منتديات ابـــــ فلسطين ــــــن
يا بني آدم ؟ دخلت منتديات ابــــــ فلسطين ـــــــــن إنتا
بدك تسجل يعني بدك تسجل ، بالطول بالارتفاع بدك تسجل !! تذعرنيييش وتحرجنيش معك .. أي مشان أبوك سجل ..
بقولك تذلنيش !! اسمع أخبط تسجيل


مرحبا بك يا زائر في منتدياتنا
 
الرئيسيةالرئيسيةمكتبة الصورس .و .جبحـثالتسجيلالمجموعاتدخول

نقوم الآن بعمليات صيانة للمنتدى وسيتم إعادة إفتتاحه من جديد في الحادي عشر من الشهر الحالي ونعتذر للإزعاج


شاطر | 
 

 ال بحكولك ليش بتحب نابلس واهل نابلس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سامر
مشرف
مشرف
avatar

عدد الرسائل : 756
العمر : 23
نشاط العضو :
60 / 10060 / 100

تاريخ التسجيل : 31/01/2008

مُساهمةموضوع: ال بحكولك ليش بتحب نابلس واهل نابلس   الجمعة 11 سبتمبر 2009, 9:35 pm








[center][size=21]> 1. لانه كل المحلات في البلد والقهاوي
والتكسيات لازم بسمعوا ام كلثوم اخر النهار.وصحاب المحلات حتى اصحاب البسطات بكونو
حاطين نفس تمباك باب المحلات وقاعدين اخر
النهار




> 2. لانه وانتا ماشي بالخان كل صحاب المحلات
بقولولك اتفضلو عمي. او تفضل
عالمؤسسة




> 3. لانه في نابلس بتقدر تعيش نهار كامل (تفطر
حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15
شيكل




> 4. لانه في نابلس شو ما يصير اجتياحات ويدخلو
اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد
والشوارع. وكل واحد بحكي عن بطولاته مع
الجيش




> 5. لانه في نابلس بسرعه بتنتشر الاشاعات
والاخبار فش اشي مخبا ولانه في نابلس كل الناس بقربو لبعض وكل الناس بتعرف بعض وكل
الناس بعرفو اخبار بعض




> 6. لانه في نابلس كل الناس بتكون بتكزدر في
البلد ليلة وقفة العيد ومعجوقين .ومش شارين
اشي




> 7. لانه في نابلس في كنافه ومدلوئه وكلاج
وعوامه وقطايف و نواشف و بلوريه وكل الاحلويات
الزاكيه.




> 8. لانه في نابلس بتكون مصاحب تنين ما الهم
علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني
البلد شبكة




> 9. لانه في نابلس في عكوب والزلام قبل النسوان
بعكبو لما يبلش موسم العكوب .وكل الناس بتخزن ابصر اكم كيلو لطول
السنه.




> 10. لانه في نابلس اللبن 3تلت انواع نعاج
وسمار وبقر. وبيجي في مرتبانات قزاز ولازم تاخد معك الفاضي لما بدك تشتري لبن لانه
ما برضى يعطيك اياه صاحب المحل بدون الفاضي او بحطلك اياه
بكيس.


> 11. لانه في نابلس كل الناس في النهار بتكون
تكزدر وتلفلف في البلد وفي الليل نفس الشباب والبنات بتلاقيهم بكزدرو في
رفيديا.!



> 12. لانه في نابلس اول ما تتعرف على حد جديد يا
بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي
فاتحين ابصر وين"



> 13.. لانه كل شوارع نابلس مفتوحه عبعض يعني
مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي
كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي
بدك اياه.



> 14. لانه في نابلس لما تصير طوشه بتلاقي نص
مليون واحد متجمعين. وكل واحد بسأل التاني شو
في؟



> 15. لانه من نابلس ابراهيم طوقان وفدوى طوقان
ولانه كتير ناس مشاهير عيلتهم النابلسي او عيلتهم بتلاقي اصلها من نابلس ولانه في
نابلس مكتبة البلديه وجامعة النجاح وفي نابلس كمان حارة الاريون وحارة الياسميه
والحمام التركي وحمام السمرا و في الصابونه النابلسية ولانه نابلس من المدن العريقه
في الوطن العربي.



> 16. لانه نابلس من اول المدن الي كان فيها
سينما يعني سيدي الي عمره 70 سنه لحق السينما بايام شبابه وبس هالايام ما في ولا
سينما شغاله.



> 17. لانه عند كل الناس غدا العرس يوم العرس الا
عند اهل نابلس تاني يوم العرس . و لإنه بس أهل نابلس بغنوا إمه يا إمه في العرس و
المباركة و بدونها ما بنفع العرس



> 18. لانه في نابلس تالت يوم العزا بعملو دلايل
وبجيبو كنافه .



> 19. لانه كل اهل نابلس بحبو نابلس وما بحبو
يطلعو منها .



> 20. لانه في نابلس دايما بتلاقي تنين صحاب واحد
نابلسي والتاني فلاح ودايما متناقرين (بس في عمرهم ما حبو بعض ابن المدينه وابن
الفلاح)



> 21. لانه في نابلس اغلب شفيرة التكاسي بسمعو
لمصطفى كامل !



> 22. لانه لهجة اهل نابلس فش زيها و في مصطلحات
فش زيها " الله يزلك " ،كتل ما بدك وابوصوروش "ومووتيي" وابصر شو
!



> 23. لانه في نابلس في ناس من 3 اديان عايشين
ومبسوطين وعمره ما صار بينهم مشاكل(مسلمين ومسيحيه
وسمرا)



> 24. لانه في نابلس لما تشتريلك لبسه وتفكر حالك
جايب اشي جديد تاني يوم بتلاقي نص شباب البلد لابسين نفس
اللبسه.



> 25. لانه في نابلس ما بدفي الدنيا شوي الا
بتلاقي كل اهل نابلس يوم الجمعه نزلو عالباذان



> 26. لانه في نابلس ما بفتح مطعم جديد او قهوه
جديده بتلاقي كل الشباب راحو عليه . وبعد شهر ببطل يفوت عليه حد
.



> 27. لانه في نابلس اذا فتح محل اشي جديد ومشيت
معه كلها شهر زمان وبتلاقي نص اهل البلد فتحو محلات
متله.



28. لانه كل شباب نابلس يا بشجعو ريال مدريد يا
برشلونه .ودايما متناقرين.



> لإنه في نابلس البنت بتاخد كل حقها من الميراث
إلا إزا اتخلت



> ولانه لما تمشي بالبلده القديمة بنابلس بتشوف و
بتحس كانك ماشي في الحميدية او البلدة القديمة
بالشام



> ولانه في نابلس فيها التمرية السخنة وحلاوة
بزلابية وقرس الثوم وكمان بتلاقي الغني والفقير بياكلوها



> ولانه في نابلس لما كان يصير منع تجول بتلاقي
التكافل على اصوله وبتشوف خبز الطابون والزيت والزيتون اللي بيرسلوه اهل القرى
المحيطة بالمدينة عبر الجبال والطرق
الوعره



> ولانه في نابلس من زمان صوت الاذان موحد في كل
الجوامع ، يعني اللي بياذن شيخ
واحد



> ولانه في نابلس ازكى حمص وفلافل وفول في العالم
ولما تروح على المطعم بحطلك صاحب المطعم زيت زيتون وتصليحة بدون ما
تتطلب



> ولانه بنابلس كتير عادات كويسة ما بتلائيها باي
مدينة ثانية



>لانو هي الي ودعت شهدائها بدموع وصراخ شبابها
وزغاريت نسائها ....وبلدتها القديمه ومحيطها الي شهدت معارك ضاريه من بطولات التحدي
مع جيش الاحتلال



>ولسااااااا في كتير حكي عن نابلس وما كتبناها غير عناوين
الامور
نابلس جبل النار نابلس الام الحنونه نابلس كل شي
ونابلس ما بنقدر نحكي عنها غير كل
شي حلو ونابلس
ونابلس...وهناك كثير من الامور لم تكتب بعد عن عظمه نابلس
وأهلها
[/center]
[/size]




_________________
الا رسولنا الحبيب يا عباد الصليب

[c=4]قال هتلر في كتابه (كفاحي)لقد كان في وسعي أن اقضي على كل يهود العالم ولكني تركت بعضاً منهم التعرفوا لماذا كنت أبيدهم [/c]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ال بحكولك ليش بتحب نابلس واهل نابلس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابـــــ فلسطين ــــــن :: •° فلسطيننا °• .. :: •° فلسطيننا °• ..-
انتقل الى: